«Аналар форумы»

28 мектеп-гимназиясында тәрбиенің өзегі – отбасы құндылықтарын дәріптеу мақсатында «Аналар форумы» жоғары деңгейде ұйымдастырылып өтті.
Форум барысында бала тәрбиесіндегі ананың рөлі, отбасындағы сыйластық пен жауапкершілік, мектеп пен ата-ана арасындағы ынтымақтастық туралы маңызды ойлар айтылды. Қатысушылар өз тәжірибелерімен бөлісіп, тәрбиедегі өзекті мәселелерді бірлесе талқылады.
Шара аясында жүрекке жылы тілектер, тәрбиелік мәні зор ойлар, әсерлі пікірлер айтылып, рухани мотивация берілді. Аналардың белсенділігі мен ашық пікір алмасуы форумның мазмұнын байыта түсті.