Сейілбек Мырзабаймен тағылымды кездесу

Сейілбек Мырзабаймен тағылымды кездесу өтті28 мектеп-гимназиясында ата-аналар, ұстаздар және оқушылардың қатысуымен белгілі қаламгер, “Отбасы хрестоматиясы” баспасының авторы,бала тәрбиесіндегі құндылықтарды кеңінен насихаттаушысы Сейілбек Мырзабаймен мазмұнды кездесу ұйымдастырылды.Кездесу барысында қонағымыз отбасы тақырыбын тереңінен қозғап, ата-ана мен бала арасындағы сыйластық, ұрпақтар сабақтастығы, тәрбиенің маңызы туралы тағылымды ойларымен бөлісті. Ол – Отбасы хрестоматиясы баспасының авторларының бірі, сондай-ақ Балалықтан даналыққа кітабының авторы ретінде отбасы құндылықтарын дәріптеп келе жатқан тұлға.
Әсіресе, баланың тұлға болып қалыптасуында ата-ананың өнегесі мен рухани ортаның рөлі ерекше екендігін атап өтті. Отбасы – тәрбие бастауы, ұлттық құндылықтардың алтын діңгегі екенін әсерлі жеткізді.
Ата-аналар мен ұстаздар өз пікірлерін білдіріп, оқушылар көкейлеріндегі сұрақтарына жауап алды. Ашық әрі шынайы диалог рухани байытатын әсерлі кешке ұласты.
✨ Осындай кездесулер отбасы мен мектеп байланысын нығайтып, жас ұрпақтың саналы, парасатты болып қалыптасуына зор ықпал етеді.